Ҷавонон ва варзиш

 

Бахши кор бо ҷавонон ва варзиши ноҳияи Фирдавсии шаҳри Душанбе бо мақсади такмили заминаҳои меъёрии ҳуқуқии соҳа ва ба ин васила мутобиқ намудани онҳо ба талаботи замони муосир қарорҳои дахлдори Раиси ноҳияи Фирдавсии шаҳри Душанбе омодаву тасдиқ ва мавриди иҷро қарор дода шуданд. Аз ҷумла: «Дар бораи иҷрои Барномаи давлатии тарбияи ватандӯстӣ ва таҳкими ҳувияти миллии ҷавонони Тоҷикистон барои солҳои 2018-2022 дар ноҳияи Фирдавсӣ», «Дар бораи тасдиқи Барномаи рушди футбол дар ноҳияи Фирдавсӣ барои солҳои 2017 - 2021» ва «Дар бораи тасдиқи Барномаи рушди тарбияи ҷисмонӣ ва варзиш дар ноҳияи Фирдавсӣ барои солҳои 2017 - 2021» ба тасвиб расиддаст, ки раванди татбиқ ва амалишавии онҳо аз ҷониби масъулини соҳа, Бахши кор бо ҷавонон ва варзиши ноҳия дар ҳамбастагӣ бо шуъбаву бахшҳои мақомоти иҷроия ва сохторҳои дахлдори ноҳиявӣ ба роҳ монда шудааст.

Тибқи нишондодҳои оморӣ шумораи аҳолии ноҳия, то моҳи апрели соли 2020, 213 ҳазору 163 нафар ба қайд гирифта шуда, аз ин шумора 63 ҳазору 951 нафарро шахсони аз 14 то 30 сола яъне ҷавонон ташкил медиҳанд, ки 30 ҳазору 759 нафари онҳо духтарон мебошанд.

Бо мақсади ҳавасмандгардонӣ ва дастгирии иҷтимоии наврасону ҷавонони лаёқатманд, дарёфти беҳтарин донишандӯзон, имрӯз дар ноҳия 11 нафар гирандагони стипендияи Президентӣ, 13 нафар гирандагони стипендияи Раиси шаҳри Душанбе 21 нафар гирандагони стипендияи Раиси ноҳияи Фирдавсӣ 3 муассисаҳои таҳсилоти олӣ бо фарогирии 14 ҳазору 176 донишҷӯ, 21 муассисаҳои таҳсилоти миёнаи умумӣ бо фарогирии 44 ҳазору 499 хонанда, 3 литсейҳои назди муассисаҳои таҳсилоти олӣ бо фарогирии 2 ҳазору 361 хонанда, 7 коллеҷу омӯзишгоҳҳо бо фарогири 6 ҳазору 201 касбомӯзон фаъолияти бо самар доранд.

Ҳамасола Нақшаи муштараки вохӯриҳои мақомоти иҷроия бо донишҷӯёну хонандагон ва сокинони шаҳраку маҳаллаҳои ҳудуди ноҳия ҷиҳати расонидани Паёми Президенти Ҷумҳурии Тоҷикистон муҳтарам Эмомалӣ Раҳмон, риояи талаботҳои Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020, қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд”, “Дар бораи озодии виҷдон ва иттиҳодияҳои динӣ” дар мувофиқа бо Агентии назорати маводи нашъаовари назди Президенти Ҷумҳурии Тоҷикистон, мақомоти прокуратура, амният, суд, комиссариати ҳарбӣ, шуъбаҳои 1 ва 2 Вазорати корҳои дохилӣ дар ноҳия ба тасвиб мерасад.

Илова ба ин, дар доираи нақшаи чорабиниҳои мазкур дар ҳудуди ноҳия, 22 маротиба аксияи таблиғотӣ таҳти унвони «Худ ва дигаронро аз сирояти коронавирус муҳофизат намо», тақсимоти 210 адад антисептикҳо, 1250 адад буклету маводҳои иттилоотӣ ва муроҷиатномаи Раиси шаҳри Душанбе, муҳтарам Рустами Эмомалӣ бо ҷалби ҷавонони фаъол (волонтиёрон) ва сохторҳои дахлдор гузаронида шуд.

Ёдовар шудан ба маврид аст, ки тибқи нақшаи тасдиқшуда, мулоқоту вохӯриҳо бо сарбозону афсарон, дидорбинии хонандагони синфҳои болоии муассисаҳои таҳсилоти миёнаи умумии ҳудуди ноҳия аз қисмҳои ҳарбии 10040 ва 08010 Вазорати Мудофиаи Ҷумҳурии Тоҷикистон ба роҳ монда, Қайд кардан ба маврид аст, ки тибқи нақша санаи 21 феврали соли 2020 дидорбинӣ, мулоқоту вохӯриҳо ва тақдими маводҳои гигиенӣ ба сарбозони бистарии беморхонаи ҳарбии 08008 Вазорати мудофиаи Ҷумҳурии Тоҷикистон роҳандозӣ карда шуд.

Дар доираи Нақша чорабиниҳои мақомоти иҷроия марҳилаи якуми Фестивали бозиҳои миллии варзишӣ дар арафаи таҷлили Наврӯзи байналмилалӣ бахшида ба эълон гардидани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» рӯзҳои 23 ва 24 марти соли 2020, миёни ҷавонону наврасони шаҳраку маҳаллаҳои ҳудуди ноҳия дар майдончаҳои варзишии маҳаллаи «Ҳосилот» ва Боғи фарҳанги фароғати ба номи «Абулқосим Фирдавсӣ» бозиҳои миллии варзишии гуштингирӣ, дастхобонӣ, шоҳмотбозӣ, вазнбардорӣ ва бандкашӣ тибқи тартиби муайянгардида гузаронида шуданд. Варзишгароне, ки ҷойҳои намоёнро дар мусобиқаҳои мазкур ишғол намуданд, бо медалу ифтихорномаҳо ва туҳфаҳои хотиравии таъсиснамудаи мақомоти иҷроияи ҳокимияти давлатии ноҳия мукофотонида шуданд.


© 2021 Мақомоти иҷроияи маҳалии ҳокимияти давлатии ноҳияи Фирдавсии шаҳри Душанбе